SHAPE OF FEELING
by
«SHAPE OF FEELING» көрмесі. Нидерланд Корольдігінің Қазақстан Республикасындағы Елшілігінің қолдауымен жүзеге асырылатын халықаралық «Гендерлік зорлық-зомбылыққа қарсы 16 күн белсенді іс-қимыл» науқаны аясында өтеді. Бұл жоба заманауи бейнелеу және театр өнерін, сондай-ақ қазіргі қоғамның ең өзекті мәселелерінің бірімен күрес жолындағы жаһандық диалогты біріктіреді. Жобаның басты мақсаты – ынтымақтастық идеяларын, рухани төзімділікті және зорлық-зомбылықсыз жаңа әлемге деген үмітті насихаттау.
Көрменің өзегінде Қазақстанда тұрып жатқан Нидерланд елінің екі заманауи суретшісі – Моник Ханен (Monique Haenen) мен Габи Гусэктың (Gaby Gusek) шығармалары ұсынылады. Авторлар әртүрлі медиумдарда жұмыс істейді: сирек кездесетін қытай лак техникасынан бастап авторлық кескіндемелік әдіске дейін. Алайда олардың туындыларын біріктіретін ортақ қасиет – айқын бейнелілік, сәндік шешімдер мен терең символизм. Ең бастысы, бұл жұмыстар әйелдің күші мен оның даусының метафорасы ретінде көрінеді. Көрме ашылуында «Ежелгі тарихтың ұлы әйелдерінің монологтары» атты театрлық перформанстың премьерасы өтті. Ол жобаның негізгі идеясын айқындайды: ғасырлар қойнауынан естілетін әйел даусын ешкім тұншықтыра алмайды.